fbpx

英超Fantasy – 季尾直路第一關

TEXT:波仔@HKFPL

最後6周,終於去到大直路啦,但嚟緊絕對唔係一條直路,因為6周入面會有3至4個Double Game Week。打頭陣嘅第一關,DGW 33, 7隊波Double,3隊Blank。

7隊入面,幾隊嘅狀態都唔得,般尼、曼聯、阿仙奴、修咸頓都唔 fit,李城斯特專注歐協聯,白禮頓就對熱刺同曼城,唯獨係紐卡素賽程同狀態都好少少。而近排踢得好嘅曼城、熱刺同利物浦都係踢得一場,曼城同利物浦仲要有歐洲賽,聯賽隨時輪換,不如同大家分享下我個Free Hit 陣同一啲少少嘅諗法啦!

首先,有幾個球員本來係鐵膽,孫興慜、迪布尼同域斯占士。孫興慜fit=熱刺fit,我之前幾周揀咗kulu而miss咗佢嘅得分。今周我就點都要揸住老孫架啦。迪布尼本來唔使點講,但係偏偏周中撕殺完傷咗腳踝,可能遲下要搵個替代品,有機會係史達寧、或者科頓。域斯占士可能有少少特別,但係對住缺乏左閘嘅阿仙奴,無論係對住泰華利斯定係沙卡,都應該綽綽有餘,只要杜曹開綠燈俾佢進攻,我相信應該會有入波或者助攻。

雙賽球隊就點都要揀7至8個,李城對住愛華頓同紐卡素,進攻同防守都可以揀,唯一就係輪換風險,後防唔計舒米高其實冇一個係穩陣,兩閘有Luke Thomas、真士田、卡斯迪尼同彭利拿。中堅伊雲斯、蘇恩祖、科芬拿同艾馬迪。我自己就揀真士田、因為羅渣士好似鍾意喺聯賽用佢、同埋上季佢係季初嘅Bonus Magnet,攞咗好多 bonus嘅分數。中前場都有同樣問題,不過麥迪臣應該係比較安全嘅選擇,而德斯貝利賀爾同班尼斯都係可揀嘅選擇。

Advertisements

而紐卡素攻力麻麻,所以要揀嘅都係防守球員,龍門杜巴卡,左閘杜美特同中堅嘅舒亞都係比較隱陣嘅選擇。杜美特會開角球,而舒亞甚至會射罰球,4.4蚊真係超值之選。

曼聯頭場對住諾域治,就算尾場對利物浦,都值得諗下嘅。般奴場場都踢足, 睇黎呢周又要踢足180分鐘。冇揀C朗唯一係擔心出場時間,之前成日無端端又唔落場。後防喺梳爾傷出後,泰拿斯就係唯一比較好嘅選擇。

我揀咗3個修咸頓,因為睇好修咸頓個打法有機會剋到阿仙奴,高位壓迫對單防中盧干加嘅負荷會好大,如果沙卡打中場,泰華利斯就會俾獲加比達斯重點攻擊佢嘅身後位。而尾場就係對住近況都差嘅般尼,所以查阿當斯係我第一個揀嘅前鋒。

阿仙奴嘅後防就唔想揀,反而對中前場有啲希望,全部中場我可能會揀馬天尼利,只係擔心薩卡有機會被調派去打左閘cover,上場又差啲入波。最後冇揀利記同沙拿都係擔心賽程比較密,狀態又唔係100%,所以可能揀曼城同熱刺好似安全啲。

你又會點揀你個FH陣呢?

IG:hk.fpl

FB : HK 英超 Fantasy – HKFPL

YouTube : HK英超Fantasy HKFPL

"
"