fbpx

英超Fantasy 我是一個西伯利亞人

GW17 Preview

EXT:樽仔@HKFPL

上周最尾提到,踏入12月其實係有6個GW,喺咁短嘅時間入面壓縮賽程,有少少睇波資歷都會知道係英超著名嘅12月快車期。而喺FPL嘅世界,呢期更加係一個嚴冬。今日會同大家講少少揀人、排陣要留意嘅地方。 

早喺幾周之前(GW13),熱刺對般尼嘅比賽,因為大風雪,熱刺主場清唔到啲雪而要延期。而近期(GW16), 又係熱刺有球員COVID檢測呈陽性而令到對白禮頓嘅賽事又踢唔成,今周(GW17)熱刺對李城開唔開到波都係一個疑問。 

而上述嘅情況,喺FPL嘅賽程,係會喺之後以Double GW(甚至Triple GW)去進行, 而如果你當周有熱刺嘅球員,或佢對手嘅球員喺陣中,會直接Blank咗,亦唔會額外送你一個Transfer Quota。呢啲情況,無得預料(除非你有跟開樽’s to Watch (笑) )。 可以做到嘅,唯有以下幾點。 

Advertisements

1) 分散球員部署 

將你嘅整體部署分散,唔好太集中一隊波,e.g. Triple up。假如你有嘅球員果場比賽係取消咗,你一時之間可能調動唔切,例如有利古朗、孫興民、達雲臣山齊士、蘭普堤、杜沙特等等,真係唔好彩喇。一係你果周就做extra transfer,要扣分換人,一係就硬食,點都有影響。當然啦,強勢如曼城,你都會想同時間有簡些路、貝拿度施華, 甚至加比爾捷西斯, 呢啲都係用風險換回報啦。 

2) 隊長及副隊長 

由於隊長有2倍分數,所以其實每周大家係打緊12個人,保唔保持到Rank,或者要追Rank,好多時候都靠隊長。喺咁多預計唔到嘅情況之下,我地會建議大家隊長同副隊長唔好揀同一隊,或者同一場比賽,因為比賽一但取消咗,你果周就打少個,都幾蝕底。而你揀副隊長,基本上都係要一個極大機會出場嘅球員,咁就多少少保障。 

3) 留意英超以外嘅情況 

雖然係我哋係玩緊英超嘅Fantasy,但同時間喺當然有其他賽事會進行。除咗歐洲賽, 仲有國際賽,有個闊啲嘅fixture,當然對你嘅選擇有幫助,最大影響係黎緊嘅非洲國家盃,而TSB超過70%嘅沙拿,你都要準備定對策,相信有好多領隊都會選擇硬食幾周,因為你放咗佢,真係未必買得返,如果行呢條路,你就要準備定Sub1啦。 

呢個12月,FPL一定唔易過,就算你真係西伯利亞人,要成為冬天的冠軍,都係著多件衫穩陣啦。 

IG:hk.fpl

FB : HK 英超 Fantasy – HKFPL

YouTube : HK英超Fantasy HKFPL

Advertisements