fbpx

英超Fantasy – GW31「FPL達人挑戰」

公認有史以來世界第一嘅FPL領隊有幾巴閉?

TEXT:波仔@HKFPL

首先提提大家,踏入四月轉返夏令時間,GW31 deadline 提前咗一個鐘,喺禮拜六晚嘅6點鐘,記得唔好Miss deadline啦!

時下興起各樣嘅達人挑戰,有follow我哋嘅都知道,我地都唔例外,整咗個「FPL達人挑戰」,未玩嘅快啲㩒條link玩咗先。有唔少人都反映啲問題幾過癮,尤其係一啲往年嘅FPL趣事。今日就同大家講下幾個世界聞名嘅FPL領隊,同佢地嘅威水史。

Advertisements

🔻🔻🔻🔻🔻🔻🔻🔻🔻🔻🔻🔻🔻🔻

Fantasy Premier League (FPL) 達人挑戰

🔺🔺🔺🔺🔺🔺🔺🔺🔺🔺🔺🔺🔺🔺

首先係講球員之前,講吓國家先。講起挪威,除咗夏蘭特,奧迪哥特,同埋森林,你仲知道啲咩?唔講你哋可能唔知,挪威人玩FPL係出晒名咁勁。先講講香港第一,暫時排緊全球297名。一個細過香港,得5百幾萬人口嘅北歐國家,喺頭100名領隊就佔咗13名,包括現時嘅世界第一同第三。往年佢地top 100嘅比率都係大概喺10-15%在右,僅次於大概25%,多十倍八倍人玩嘅英國,其他國家都係得單位數字嘅比率。其實就連歐洲人都唔知點解挪威玩FPL咁勁,不過估計係挪威當地日短夜長,大部分人嘅消遣都係留喺屋企睇英超有關。佢哋同其他歐洲國家有啲唔同,佢哋同香港一樣係播晒咁多場英超嘅。佢地差唔多每個挪威人都會有自己捧嘅英超球隊,而工作嘅地方都好多時會有mini league,同同事、老細切磋切磋。而唔知係雞先定蛋先,佢哋體育電視台都會有唔少關於FPL嘅資訊,所以成為歐洲FPL大國都不無道理。

領隊方面呢?All time best manager真係不得不提來自葡萄牙嘅 Fabio Borges。玩FPL姐,戰績可以有幾巴閉呀?叫得世界第一,大家見到佢個戰績真係嚇一跳,話佢喺未來返黎嘅外星人都唔過分。第一季2014/15全球排18000已經係佢玩FPL 8年入面最差嘅一年。之後7年全部排5000名內,包括18/19嘅第96名。今年佢亦都排緊3200名,仲有bench boost同一張free hit未用,睇黎又會有機突破頭1000名。

而講開世界聞名嘅領隊,我哋香港其實都有一個FPL歷史殿堂人,曾經5次打入全球頭1000名嘅Kenneth Tang,佢個名字永遠都會出現喺FPL all-time best managers,有關Kenneth嘅威水史可以睇返HKFPL YouTube channel名人堂系列嘅第一集,或者上FFS嘅meet the managers系列了解多啲呢位傳奇人物。

IG:hk.fpl

FB : HK 英超 Fantasy – HKFPL

YouTube : HK英超Fantasy HKFPL

"
"