TEXT： 樽仔@HKFPL
聖誕新年嘅檔期一向開住英超快車咁過，呢個亦係英超同其他歐洲頂級聯賽與別不同嘅一個地方。而喺FPL嘅角度，大家最關注嘅當然係賽程有無延期同埋想等到最後一刻先做「Transfer」，希望就減少換完又換嘅可能性，扣少啲無謂嘅分數。
喺GW18當大部份人已搭上「屈堅斯號」， 展開GW18旅程，點知開賽前約30分鐘， 場波取消咗… 結果好多領隊就白白扣咗4分，仲要煩惱扣唔扣多4分再換人。我就好好彩，忍到新聞出咗先再決定換人。
喺GW19， 又出事， 今次唔係賽事延期，而係無新賽事延期！相信係吸收咗上周嘅教訓，有極大部嘅嘅領隊喺最後一刻先入去做「Transfer」。結果「杯具」了… 9點28分， 相信因為官網嘅Bandwidth問題，一時間處理唔到咁大嘅流量… 死「Server」!!!有唔少領隊過咗轉會死線都唔肯定自己嘅陣係點…包括Transfer / Captaincy。
喺今季，相信疫情會繼續影響，而GW18嘅極遲通知賽程變更，GW19嘅死Server情況都係有機會再出現。少少提示係大家今季會多一張額外嘅「Free Hit」，可以之後再補充。但今周主要係提提大家，轉會策略，最好諗定多1至2個計劃， 以防球員價格轉變同賽期變更而影響到。但諗完，唔好急住做，等到賽前15至30分鐘先執行，應該就安全嘅，而留到最後一刻先㩒掣嘅，有機會GG架。
