TEXT：波仔@HKFPL
Nicolas Jackson今季震撼咗整個FPL界，由開季貴為FPL第二前鋒，去到人人喊打嘅球員，6場波就已經攞咗5張黃牌，5場1分，應該都係今季最大伏，沒有之一。仲hold住佢嗰8.3%，都係時候要考慮忍痛割愛。
替代品一號有盧頓嘅「Carl 叔叔」。雖然盧頓今季6場只入3球，係英超廿隊攻力最弱嘅球隊，但係3球當中，Carlton Morris 2入波1助攻，100% involvement。今週double game week，作客愛華頓同主場對般尼，如果盧頓入到波，好大機會都會關Morris事。尤其係下2-3週會用WC嘅領隊，入Morris 嘅風險冇咁大，可以用WC換走Morris，唔使長遠留喺隊中嘥cost。
2號係上週大船艾華利斯。短短3週已經有6.5蚊上到7蚊，曼城賽程喺GW8開始轉差，但曼城始終係曼城，加上曼城攻中輪流傷，艾華利斯個正選喺短時間內都會穩陣。
最後3號推返近況好返啲嘅屈堅斯。維拉賽程開始轉好，尤其係GW8-12，如果中場冇位入迪亞比，要cover維拉中前場就要靠屈堅斯啦！
