距離歐國盃開波尚有一個月時間，擁有EURO 2020獨家直播權的Now TV今日（13日）於ViuTV總部舉行大型記者招待會，公佈這項足球盛事的播放安排。記者會邀請了電訊盈科媒體收費電視業務總蔡煒健先生、Now TV資深評述員丘建威、鄭兆聰及陳祉俊等。大會現場亦公佈人氣爆燈的MIRROR擔任2020歐國盃大使，並首播他們主唱的香港版歐國盃主題曲《The Beautiful Game》，主題曲MV將於今晚8:30首播（Now Sports、Now TＶ及Now E Facebook，和MIRROR官方YouTube頻道），誓必掀起全城歐國盃熱潮！
將全程直播51場賽事的Now TV為提供全新歐國盃「睇」驗，特設全新「歐國盃專頁」，集合賽事直播、重溫、精華、賽程表及其他歐國盃節目，一個介面一目了然。此外，Now TV更為賽事加入歐國盃第三聲道，由擁有豐富睇波經驗的星級主持強尼配搭ERROR成員，打造全新輕鬆的評述組合，一齊笑住睇波！當然一眾專業的Now TV足球評述員依然緊守崗位，為廣大球迷服務。至於每日歐國盃直播前，都會有不同的MIRROR成員主持「EURO鬥Goal Fun」遊戲節目，與球迷一齊投入歐國盃熱潮。
有感疫情下大家未必能相約好友一齊撐愛隊，Now TV特別於「Now隨身睇」流動應用程式及網頁版，推出全新的「歐國盃一齊睇」功能，已購買歐洲國家盃2020通行證的用戶，可邀請其他持有通行證的朋友於歐國盃頻道 Now Sports 618或619「開group」同步睇波兼傾偈，入波時更可以一齊歡呼慶祝！
